აშშ-ის პრეზიდენტმა, დონალდ ტრამპმა განაცხადა, რომ მისმა ადმინისტრაციამ შესაძლოა ჯორჯ სოროსის ან მისი ოჯახის წინააღმდეგ გამოძალვის საქმეზე გამოძიება დაიწყოს და დემოკრატიული პარტიის მსხვილი დონორი, პროტესტის დაფინანსებაში დაადანაშაულა. ინფორმაციას Bloomberg-ი ავრცელებს.
,,აქტივისტები სოროსისგან და სხვა პირებისგან იღებენ ანაზღაურებას თავიანთი პროფესიისთვის“, – განუცხადა ტრამპმა Fox News-ს, იმ მომიტინგეებზე მითითებით, რომლებიც ამ კვირაში ვაშინგტონის ერთ-ერთ რესტორანში სიტყვიერად დაუპირისპირდნენ. ტრამპის განმარტებით, ქალი, რომელმაც რესტორანში უყვირა, “ანაზღაურებადი/გადახდილი” მსახიობი იყო.
“ჩვენ სოროსის საქმის გამოძიებას ვაპირებთ, რადგან მე მჯერა, რომ ეს არის RICO-ს საქმე მისი და სხვა ადამიანების წინააღმდეგ. რადგან ეს უბრალოდ პროტესტზე მეტია. ეს ნამდვილი არეულობაა“. – აღნიშნა ტრამპმა.
Bloomberg-ის განმარტებით, პრეზიდენტმა არ დააკონკრეტა და გაურკვეველია, სოროსის ოჯახის რომელ წევრს გულისხმობს, ან რა საფუძვლებს გამოიყენებს გამოძიება. “კორუმპირებულებისა და რეკეტიორების გავლენის ქვეშ მყოფი ორგანიზაციების კანონი“ RICO, ჩვეულებრივ გამოიყენება ორგანიზებული დანაშაულის წინააღმდეგ.
ამასთან, ტრამპმა ადრე განაცხადა, რომ ჯორჯ სოროსი და მისი შესანიშნავი მემარცხენე რადიკალი ვაჟიშვილის საქმე უნდა გამოიძიონ.
Bloomberg-ის ინფორმაციით, ბოლომდე გაურკვეველია, რომელ შვილზე საუბრობდა. მილიარდერის ერთ-ერთი ვაჟი, ალექს სოროსი, ასევე დემოკრატიული იდეების აქტიური მხარდამჭერია და “ღია საზოგადოების ფონდების“ დირექტორთა საბჭოს თავმჯდომარეა, რომელიც ჯორჯ სოროსმა დააარსა და მსოფლიოში ერთ-ერთი უდიდესი და გავლენიანი ფილანტროპიული ორგანიზაციაა.
ეს კომენტარები ტრამპმა მას შემდეგ გაკეთდა, რაც პრეზიდენტმა განაცხადა, რომ ჩარლი კირკის, ცნობილი კონსერვატორი აქტივისტისა და ტრამპის მოკავშირის მკვლელობის შემდეგ, პოლიტიკურ ოპონენტების წინააღმდეგ გამოძიებას დაიწყებდა.
“ჩემი ადმინისტრაცია ამ სისასტიკისა და პოლიტიკური ძალადობის სხვა აქტებში მონაწილე ყველა პირს იპოვის, მათ შორის, ორგანიზაციებს, რომლებიც ამას აფინანსებენ და მხარს უჭერენ“, – განაცხადა ტრამპმა.