ექს-მინისტრის ადვოკატის განცხადებით, ბურჭულაძე სახლში გადაადგილებისას წაიქცა, რის შედეგადაც მიიღო დაზიანება და ჰქონდა წოლითი რეჟიმი. ამჟამად ის კლინიკაშია გადაყვანილი.
შეგახსენებთ, სახელმწიფო უსაფრთხოების სამსახურმა თავდაცვის ყოფილი მინისტრი დააკავა.
ბურჭულაძეს ბრალი ედება სახელმწიფო პოლიტიკური თანამდებობის პირის მიერ სამსახურებრივი უფლებამოსილების ბოროტად გამოყენებაში და უკანონო შემოსავლის ლეგალიზაციაში, რასაც თან ახლდა განსაკუთრებით დიდი ოდენობით შემოსავლის მიღება.
მას 9-დან 12 წლამდე თავისუფლების აღკვეთა ემუქრება.