“ფედერალისტების” ლიდერი, თამარ ჩერგოლეიშვილი სოციალურ ქსელში მიმართვას ავრცელებს:
“მეგობრებო, ჟურნალისტებო, კომენტატორებო, მოქალაქეებო,
ვინც პროტეტში ვმონაწილეობთ, ყველას გვაქვს ჩვენი პროფესია: ექიმი, მსახიობი, მხატვარი, ინჟინერი, პოლიტიკოსი, დამლაგებელი, დურგალი, არქიტექტორი, ბიზნესმენი …
პატრიოტ მოქალაქეებს, რომლებსაც აქვთ თავიანთი ცხოვრება, თავიანთი პროფესია, მაგრამ წყდებიან რაღაც დროით, რომ ქვეყნის დამოუკიდებლობა გადაარჩინონ, აქტივისტები არ ჰქვიათ.
როდესაც თქვენ მათ აქტივისტს უთითებთ და ყველა, ვინც პროტესტში აქტიურადაა ჩართული – “აქტივისტია” , იქმნება შთაბეჭდილება რომ აქტივიზმი ცალკე დარგია და “ყველა თავის საქმეს აკეთებს”!
“მე ჩემს საქმეს ვაკეთებ ძმაო, ეგაა პატრიოტიზმი, აქტივისტებმა თავისი საქმე აკეთონ… ”
ამას ემატება რეჟიმის პროპაგანდა, რომ თითქოს რუსთაველზე დგომაში ვინმე ხელფასს იღებს.
ეს არის დამაზიანებელი.
პროტესტის მონაწილეები არ არიან აქტივისტები.
ისინი არიან მოქალაქეები – აქვთ თავიანთი საქმე, პროფესია და მოვალეობები.
ერთერთი მოვალეობაა ამ ქვეყნის დამოუკიდებლობის დაცვა.
მათ გაცნობიერებული აქვთ, რომ დაცვის ხაზი გადის ქუჩაში და ამიტომ დგანან ქუჩაში და არა იმიტომ რომ
“აქტივისტები არიან”.” – წერს თამარ ჩერგოლეიშვილი.