თბილისის მერიის ინფორმაციით, სამგორის რაიონში მიხეილ გახოკიძის ქუჩის რეაბილიტაცია დასრულდა. აღნიშნულ ქუჩაზე დაგეგმილ ღონისძიებასთან დაკავშირებით, 10 სექტემბრის 08:00 საათიდან 09:00 საათამდე, „ისთ ფოინთის“ მიმდებარე ტერიტორიიდან თაყაიშვილის ქუჩის კვეთამდე არსებულ საგზაო მონაკვეთში ავტოტრანსპორტის მოძრაობა სრულად შეიზღუდება.
„დროის აღნიშნულ მონაკვეთში გადაადგილება შესაძლებელი იქნება ხომლელისა და საქართველოს ერთიანობისთვის მებრძოლთა ქუჩების და მათი დამაკავშირებელი – დიმიტრი ალექსიძის, სესილია თაყაიშვილის, იოთამ ზედგენიძის, ვიქტორ კუპრაძისა და რაჭის ქუჩების გავლით, ასევე, მეგობრობის, მშვიდობისა და ალექსანდრე თვალჭრელიძის ქუჩების გამოყენებით.
09:00-დან 13:00 საათამდე პერიოდში კი გადაადგილება შეზღუდული იქნება მიხეილ გახოკიძის ქუჩის მხოლოდ ერთ, „ისთ ფოინთის“ მიმდებარე ტერიტორიიდან საქართველოს ერთიანობისთვის მებრძოლთა ქუჩის კვეთამდე არსებულ საგზაო მონაკვეთში.
აღნიშნულ პერიოდში, სატრანსპორტო საშუალებები გადაადგილებას შეძლებენ ქუჩის დარჩენილ მონაკვეთში და მიმდებარე ქუჩებზე: სესილია თაყაიშვილის, საქართველოს ერთიანობისთვის მებრძოლთა, ევგენია მაისურაძისა და ხომლელის ქუჩებზე.
რაც შეეხება საზოგადოებრივ ტრანსპორტს, „ისთ ფოინთის“ მიმართულებით მოძრავი მიკროავტობუსები: N519, N524, N540 და N554 დროებით იმოძრავებენ საქართველოს ერთიანობის მებრძოლთა ქუჩის, მიხეილ გახოკიძის მონაკვეთის, მაისურაძისა და თვალჭრელიძის ქუჩების გავლით. აღნიშნული ტრანსპორტი უკუმიმართულებითაც გამოიყენებს ანალოგიურ მარშრუტს.
N547 მიკროავტობუსი შეზღუდვის პერიოდში მგზავრებს გახოკიძის ქუჩის N10-ის მიმდებარე ტერიტორიამდე მოემსახურება“, – ნათქვამია განცხადებაში.