არსებული ინფორმაციით, კატმანდუსა და სხვა ქალაქებში სულ მცირე 19 ადამიანი დაიღუპა, ხოლო 100-ზე მეტი დაშავდა. მომიტინგეებმა, გავრცელებული ინფორმაციით, ცეცხლი წაუკიდეს პარლამენტის შენობას. არეულობის გამო პრემიერ-მინისტრი გადადგა და კატმანდუს ზოგიერთ ნაწილში კომენდანტის საათი გამოცხადდა.
შეგახსენებთ, ნეპალში მასობრივი პროტესტი მას შემდეგ დაიწყო, რაც მთავრობამ სოციალური პლატფორმების, მათ შორის Facebook-ის აკრძალვის გადაწყვეტილება მიიღო.