რაღაც ვქნათ ბატონებო, ან ქუჩა ვარყიოთ, ან პარლამენტი ვარყიოთ, – ამის შესახებ „კანონი და სამართლის“ ლიდერმა, თაკო ჩარკვიანმა ტელეკომპანია „კავკასიის“ ეთერში განაცხადა.
როგორც ჩარკვიანმა აღნიშნა, არ მოსწონს „ნაციონალური მოძრაობის“ მიერ გამართული აქციები და ამბობს, რომ მათი ამომრჩევლის ნაწილი მის აზრზეა.
„საქართველო არის უმძიმეს მდგომარეობაში, ასეთი ხელისუფლება არ გვყოლია. თუ ქუჩა არ გააქტიურდა და თუ მანდატიც დატოვე, ეს არის ბიძინა ივანიშვილის გეგმა, ეს ნიშნავს, რომ ოპოზიცია აღარ იარსებებს. არ დაიჭირეს და არც ახლა იჭერენ ამ ბოიკოტს, ამიტომ თუ არ გამოიყენე ის მანდატი არც დიპლომატებთან და ქუჩაშიც ვერ აღმოჩნდი სიმაღლეზე, ძალიან ცუდ მდგომარეობაში აღმოჩნდება ქართული საზოგადოება. ქუჩა უნდა ვაზანზაროთ. ძალიან გამიხარდებოდა, იმ დღეს მაგალითად თუ იქნებოდა 40-ზე მეტი მანდატი და პროტესტით, ბრახუნით ამ ლაზღანდარობას, ამ სრულიად მანიაკურ მდგომარეობაში მყოფ ადამიანს წულუკიანს.
ამიტომ ვამბობ, შემომაქვს წინადადება, რაღაც ვქნათ, ბატონებო, ან ქუჩა ვარყიოთ, ან პარლამენტი. ადამიანებმა უნდა დაინახონ რაღაც – პიპინ-პიპინით ბიძინა ივანიშვილი არ წავა. არ მომწონს (ენმ-ს) აქციები. პირდაპირ გეტყვით, მათი ამომრჩევლის ნაწილი აბსოლუტურად ჩემს აზრზეა,
დიახ, მებრძოლს კარვის, ლეიბის და მოსახურის გარდა ატრიბუტიკა ქუჩაში არ გააჩნია. და შეშა ვიცი მე… “, – განაცხადა თაკო ჩარკვიანმა.