“დღეს კობახიძემ ღარიბაშვილს ბომბი ფეხებქვეშ აუფეთქა. ის, რაც მან თქვა, თუ სიმართლეა, პასუხისმგებლობას ვერავინ აიცილებს” – ამის შესახებ პოლიტიკოსი რომან გოცირიძე სოციალურ ქსელში წერს.
“დღეს კობახიძემ ღარიბაშვილს ბომბი ფეხებქვეშ აუფეთქა. ის, რაც მან თქვა, თუ სიმართლეა, პასუხისმგებლობას ვერავინ აიცილებს თავიდან, პირველ რიგში ბიძინა ივანიშვილი.
ბრიფინგზე კობახიძემ თქვა, რომ ერთი წლის განმავლობაში
სახელმწიფო საწარმოთა ოპტიმიზაციის შედეგად 700 მილიონი ლარი დაიზოგა.
მხოლოდ ენერგეტიკის სექტორის სახელმწიფო საწარმოებში მხოლოდ კადრების შემცირებით დავზოგეთო 22 მლნ. ლარი.
ტენდერების და მომსახურების ხარჯების ეკონომიით დავზოგეთ 348 მილიონი ლარიო.
რა ნიშნავს ეს? იმას, რომ ყოველწლიურად იფლანგებოდა სახელმწიფო-კომერციულ სექტორში 700 მილიონი ლარი. ორ, სამ ან ხუთ წელიწადში რამდენი გამოდის, არაა ძნელი დასათვლელი. ეს ფული “ოცნების” კლანის მაღალჩინოსნების, მათი ოჯახის წევრების, სამეგობროს, პარტიული აქტივის შემოსავალს წარმოადგენს. ხალხის ძარცვის ფაქტი კობახიძემ თავად დაადასტურა. თუ რა მოტივი ამოძრავებდა, მომავალში გამოჩნდება.
საგულისხმო ისაა, რომ ეს ე. წ. ეკონომია რაიმე სასიკეთო საქმეს კი არ მოხმარდა, არამედ ისევ იქ ჩარჩაო.
სინამდვილეში ხდება ივანიშვილის კლანის ჩანაცვლება. უშვებენ ღარიბაშვილის კადრებს და ამ სახრავს აჯდება ახალი კლანი.
ამ ინფორმაციის გახმოვანების პოლიტიკური მხარე იმაში მდგომარეობს, რომ კობახიძემ ღარიბაშვილის კლანი დააბეზღა ივანიშვილთან. 700 მილიონი რომ არ იყოს მოპარული წელიწადში და თუნდაც მისი მეათედიც იყოს, ესეც საკმარისია ამ ადამიანების გასასამართლებლად. ამ ხელისუფლების პირობებში ეს რომ არ მოხდება, გასაგებია, მაგრამ ვიღაცებს კრიმინალურ ყულაბაში მისი ნაწილის დაბრუნება რომ მოუწევს, ესეც ფაქტია.
საბოლოო ჯამში კობახიხის მხილებამ ივანიშვილის რეჟიმიც ამხილა, რომლის ნაწილიც თავადაცაა. ეს განცხადება, თუ მას ფინსური დასაბუთებაც მოსდევს, “ქართული ოცნების” გასამართლების კიდევ ერთი საფუძველი შეიძლება გახდეს”