ისრაელის პრემიერ-მინისტრი ბენიამინ ნეთანიაჰუ მივიდა იერუსალიმში მომხდარი თავდასხმის ადგილზე და განაცხადა, რომ აღნიშნული თავდასხმები ისრაელს კი არ ასუსტებს, არამედ უფრო მეტად აძლიერებს.
მისივე თქმით, ეს თავდასხმები ისრაელს მისიების შესრულებისკენ უბიძგებს.
„ჩვენ ომში ვართ, გაძლიერებულ ომში ტერორიზმის წინააღმდეგ მრავალ ფრონტზე. ჩვენ ახლა ალყაში მოვაქციეთ ის სოფლები, საიდანაც ტერორისტები შემოვიდნენ და მივაგნებთ ყველას, ვინც მათ დაეხმარა. ჩვენ მკაცრ ზომებს მივიღებთ“, – აღნიშნა ბენიამინ ნეთანიაჰუმ.
ინფორმაციისთვის, იერსუალიმის შესასვლელთან მდებარე ავტობუსის გაჩერებასთან სროლა იყო, რის შედეგადაც 6 ადამიანი დაიღუპა.