ანალიტიკოსი ზურაბ ქადაგიძე “ფეისბუქის” პირად გვერდზე ავრცელებს ინფორმაციას, რომლის თანახმად, “ნაციონალური მოძრაობის” თავმჯდომარეს, ნიკანორ მელიას დაკავებული თანამდებობებიდან გადააყენებენ.
„გუშინ „ნაციონალური მოძრაობის“ პოლიტსაბჭო შეიკრიბა და ოფიციალურად გადაწყდა, რომ გვარამიამ და მელიამ პარტია გაიყონ! ეს ყველაფერი მოყვა მელიას განცხადებას, რომელმაც თქვა, რომ მიშას ციხიდან გამოყვანა მეორეხარისხოვანია. სავარაუდოდ ხვალ, მელიას ოფიციალურად გადააყენებენ პარტიის თავმჯდომარის თანამდებობიდან“, – წერს ქადაგიძე სოციალურ ქსელში.
ცნობისთვის, ნაციონალური მოძრაობის“ თავმჯდომარე ნიკა მელიამ ტელეკომპანია „ფორმულას“ ეთერში განაცხადა, – “მიხეილ სააკაშვილი გარეთ და მერე ხელისუფლების ცვლილება, ეს ბევრად უფრო რთული ამოცანაა, ამიტომ პირიქით უნდა მოხდეს”.