“17 წლის შემდეგ თბილისმა აღიარა ის, რასაც ამდენი ხანი ველოდით ჩვენ და რუსეთი” – რა წერია დე-ფაქტო სამხრეთ ოსეთის საინფორმაციო საააგენტოს სტატიაში

თეა წულუკიანი 460-გვერდიან საგამოძიებო კომისიის დასკვნას დე ფაქტო სამხრეთ ოსეთის “სახელმწიფო საინფორმაციო სააგენტო” ეხმიანება. მათ მიერ გამოქვეყნებულ სტატიაში, რომლიც შემდეგნაირადაა დასათაურებული: “საქართველომ ოფიციალურად აღიარა პასუხისმგებლობა 2008 წელს სამხრეთ ოსეთის წინააღმდეგ ომის გაჩაღებისათვის” – წერენ, რომ ომი სამხრეთ ოსეთის მშვიდობიანი მოსახლეობის წინააღმდეგ დაიწყო იმდროინდელმა საქართველოს ხელისუფლებამ მიხეილ სააკაშვილის ხელმძღვანელობით.

2008 წლის აგვისტოში საქართველოს მხრიდან სამხრეთ ოსეთის რესპუბლიკისა და რუსეთის ფედერაციის წინააღმდეგ განხორციელებული ფართომასშტაბიანი სამხედრო აგრესიიდან 17 წლის შემდეგ თბილისში ის აღიარება გაჟღერდა, რომელსაც სამხრეთ ოსეთი და რუსეთი ამდენი წელი ელოდნენ. პარლამენტის პლენარულ სხდომაზე ყოფილი პრეზიდენტ მიხეილ სააკაშვილის დროს ჩადენილი დანაშაულებების საკვლევი კომისიის თავმჯდომარემ თეა წულუკიანმა წარმოადგინა 460-გვერდიანი ანგარიში, რომელიც არ ტოვებს ეჭვს: აგრესიული ომი სამხრეთ ოსეთის მშვიდობიანი მოსახლეობის წინააღმდეგ დაიწყო იმდროინდელმა საქართველოს ხელისუფლებამ მიხეილ სააკაშვილის ხელმძღვანელობით,“ – წერს დე ფაქტო სამხრეთ ოსეთის “სახელმწიფო საინფორმაციო სააგენტო” რეს-ი ანალიტიკურ სტატიაში სახელწოდებით “საქართველომ ოფიციალურად აღიარა პასუხისმგებლობა 2008 წელს სამხრეთ ოსეთის წინააღმდეგ ომის გაჩაღებისათვის”.