საქართველოს შინაგან საქმეთა სამინისტრო განცხადებას ავრცელებს და წერს, რომ გურიის პოლიციის დეპარტამენტის ლანჩხუთის რაიონული სამმართველოს თანამშრომლებმა, ჩატარებული საგამოძიებო ღონისძიებების შედეგად, 2007 წელს დაბადებული წარსულში ნასამართლევი ლ.ჩ ქურდობის ბრალდებით დააკავეს.
დანაშაული 10 წლამდე ვადით თავისუფლების აღკვეთას ითვალისწინებს.
გამოძიების შედეგად დადგინდა, რომ ბრალდებულმა ლანჩხუთში უკანანოდ შეაღწია ყვავილების მაღაზიაში და 30 000 ლარამდე ოდენობის თანხას დაეუფლა, შემდეგ კი შემთხვევის ადგილიდან მიიმალა.
როგორც შსს-ის განცხადებაშია ნათქვამი, პოლიციამ ბრალდებულის საცხოვრებელი სახლის ჩხრეკისას ნივთმტკიცებად ამოიღო ქურდობის შედეგად დაუფლებული თანხა.
გამოძიება საქართველოს სისხლის სამართლის კოდექსის 117-ე მუხლით მიმდინარეობს.