აშშ-ის პრეზიდენტმა, დონალდ ტრამპმა ჟურნალისტებთან საუბრისას განაცხადა, რომ კვლავ აგრძელებს უკრაინა-რუსეთის კონფლიქტის მოგვარებას და მხარეების დახმარებას შეთანხმების მიღწევაში.
როგორც ტრამპი ამბობს, რუსეთთან პრობლემის მოგვარება ბევრად რთული აღმოჩნდა, ვიდრე ეგონა.
„ვფიქრობ, რომ ყველაფერს მოვაგვარებთ. გულწრფელად რომ ვთქვა, ვფიქრობდი, რომ რუსეთის საკითხი მეტად მარტივად მოსაგვარებელი იქნებოდა იმ საკითხებთან შედარებით, რომლებიც აქამდე შევაჩერე, თუმცა როგორც ჩანს, ის უფრო რთული აღმოჩნდა, – აღნიშნა ტრამპმა.
ტრამპის თქმით, მას აქვს სურვილი, რომ ეს კონფლიქტი მალე დაასრულოს და მთავარი მიზანი ადამიანების სიცოცხლის გადარჩენაა.
“მხოლოდ ომის გაჩერება მსურს. მე ყურადღებას არ ვეძებ,უბრალოდ სიცოცხლის გადარჩენა მინდა“ – თქვა ტრამპმა.