“სულ ორი ვარჯიში გავმართეთ და, რა თქმა უნდა, ასეთი მნიშვნელოვანი მატჩისთვის მოსამზადებლად ეს საკმარისი არ არის” – თურქეთთან მსოფლიოს ჩემპიონატის საკვალიფიკაციო ეტაპის პირველი ტურის მატჩის წინ ჩატარებულ პრესკონფერენციზე საქართველოს ნაკრების მწვრთნელმა ვილი სანიოლმა ისაუბრა:
“სულ ორი ვარჯიში გავმართეთ და, რა თქმა უნდა, ასეთი მნიშვნელოვანი მატჩისთვის მოსამზადებლად ეს საკმარისი არ არის. თუმცა ნაკრებში ყოველთვის ასე ხდება. გუშინ ნაყოფიერი ვარჯიში გვქონდა და ეს გარემოება ხელს არ შეგვიშლის.
კვარაცხელიას მცირე პრობლემა ჰქონდა, მაგრამ უკვე კარგადაა და მისგან ხვალ კარგ თამაშს ველოდები. რას ვაპირებთ კიტეიშვილისა და ჩაკვეტაძის არყოფნაში? ძალიან სამწუხაროა ორი ასეთი მნიშვნელოვანი მოთამაშის გამოკლება, თუმცა ნაყოფიერი ვარჯიშები ჩავატარეთ და იმედიანად ვართ განწყობილი.
სექტემბრისთვის მომზადება ყოველთვის პრობლემურია, მაგრამ მიმაჩნია, რომ ხვალინდელი მატჩისთვის ყველა ფეხბურთელი მზად არის“, – განაცხადა სანიოლმა.