მოსალოდნელი ამინდის პროგნოზის შესახებ “მეტრონომი” მეტეოროლოგ კობა ფარტენაძეს დაუკავშირდა. მან ჩვენთან საუბრისას განაცხადა, რომ თვის დასაწყისში ტემპერატურა კლებას დაიწყებს.
“როგორც აღმოსავლეთ, ისე დასავლეთ საქართველოშიც, საშუალო ტემპერატურა სექტემბრის პირველ დღეებში შედარებით ცხელი იქნება. მაგალითად დღეს, 1-ელ სექტემბერს, თბილისში 37 გრადუსია, ხვალ 32 გრადუსია მოსალოდნელი და ნელ-ნელა 27-28 გრადუსამდე დაიკლებს დღის საათებში” – განუცხადა მეტეოროლოგმა “მეტრონომის” ჟურნალისტსს.
თვის მეორე ნახევარში ღამის ტემპერატურა მნიშვნელოვნად დაიკლებს და ცალკეულ დღეებში, 14-15 გრადუსია მოსალოდნელი, თუმცა როგორც კობა ფარტენაძე იუწყება, სექტემბერში უჩვეულო ტემპერატურის ცვლილება არ შეინიშნება.