დღეს, 2 სექტემბერს 8 პირის სასამართლო პროცესი გაიმართა, მოსამართლე თამარ მჭედლიშვილმა მათ პატიმრობა მიუსაჯა. ამ საკითხთთან დაკავშირებით “კოალიცია ცვლილებებისთვის” სოციალურ ქსელში განცხადებას ავრცელებს და წერს, რომ არც ერთი პოლიტიკური პატიმარი არ დარჩება უკანონო ტყვეობაში იმ ვადით, რაც დღეს სასამართლომ დაადგინა.
“დღეს, ივანიშვილის რუსული რეჟიმის სასამართლომ პატიმრობაში გაუშვა თავისუფლებისთვის მებრძოლი პატრიოტები. ადამიანები, რომლებიც მიუხედავად დიდი წნეხისა და ძალადობისა, ვერ გატეხეს.
არც ერთი პოლიტიკური პატიმარი არ დარჩება უკანონო ტყვეობაში იმ ვადით, რაც დღეს ე.წ. სასამართლომ დაადგინა.
სწორედ სინდისის პატიმრების გაუტეხელობა და თავდადება არის ჩვენი ბრძოლის მაგალითიც, რადგან სწორედ რეჟიმის თამაშის წესების არმიღებასა და მუდმივ წინააღმდეგობაზე გადის გამარჯვების გზაც.
ბრძოლა გამარჯვებამდე!” – წერია განცხადებაში.