“ზელენსკის მუქარა უპასუხოდ არ დარჩება” – რას აცხადებს ვიქტორ ორბანი

უნგრეთის პრემიერ-მინისტრი, ვიქტორ ორბანი აცხადებს, რომ უკრაინის პრეზიდენტის, ვოლოდიმირ ზელენსკის მუქარა უპასუხოდ არ დარჩება.

როგორც ორბანი ამბობს, ზელენსკი ღიად დაემუქრა უნგრეთს.

„ზელენსკი ღიად დაემუქრა უნგრეთს. აღიარა, რომ ისინი „დრუჟბას“ ნავთობსადენს ბომბავენ, რადგან ჩვენ არ ვუჭერთ მხარს მათ ევროკავშირში გაწევრიანებას. ზელენსკის სიტყვებს ხანგრძლივი შედეგები მოჰყვება“, – აღნიშნა ორბანმა.

ცნობისთვის, უკრაინის პრეზიდენტმა ჟურნალისტებთან საუბრისას განაცხადა, რომ ნავთობსადენ “დრუჟბას” ბედი უნგრეთის ქმედებებსა და პოზიციაზეა დამოკიდებული.