ხარაგაულის მუნიციპალიტეტის სოფლებში ღვერკსა და ხემაღალში მეწყერმა ყარნებას ხეობა ჩაკეტა. ორ საათზე მეტია მდინარე ყარნება გუბდება და ჩხერიმელას აღარ უერთდება. ინორმაციას ამის შესახებ “მთის ამბები” ავრცელებს.
როგორც ადგილობრივმა მცხოვრებლებმა „მთის ამბებს“ უთხრეს, დიდი მოცულობით წყლის დაგუბებისა და გამოხეთქვის შემთხვევაში, საფრთხე ემუქრება სოფლებს ლაშეს, ძირულას და თბილისი-ბათუმის სარკინიგზო მაგისტრალს.