თურქეთი უსაფრთხოების გარანტიების ფარგლებში უკრაინაში სამხედრო კონტინგენტის გაგზავნის შესაძლებლობას განიხილავს. ამის შესახებ თურქეთში უკრაინის ელჩმა, ნარიმან ჯელალმა, ტელემარათონის ეთერში განაცხადა.
მისი თქმით, თურქეთი შეიძლება შეუერთდეს იმ სახელმწიფოებს, რომლებიც უკრაინას უსაფრთხოების გარანტიებს აძლევენ.
“თურქეთი იმ 10-ზე მეტ ქვეყანას შორისაა, რომლებიც უკვე განიხილავენ უკრაინაში სამხედროების გაგზავნის პოტენციურ შესაძლებლობას, როგორც სტაბილიზაციის ფაქტორს, რათა სამშვიდობო შეთანხმების შემთხვევაში უზრუნველყონ რუსული აგრესიის არგანმეორების გარანტიები“ – აღნიშნა ჯელალმა.
მისი თქმით, თურქეთი ასევე მზადაა, ჩაერთოს შავი ზღვისა და უკრაინის ტერიტორიების განაღმვით სამუშაოებში. ასევე თურქეთი კვლავ რჩება ერთ-ერთ საუკეთესო პლატფორმად მომავალი მოლაპარაკებებისთვის დელეგაციებისა და ლიდერების დონეზე
თურქეთმა შესაძლოა უკრაინაში თავისი ჯარები გაგზავნოს
