ფიროსმანის ქუჩაზე, ავარულ სახლებში მცხოვრებლები დახმარებას ითხოვენ. ადგილობრივების თქმით, შენობები მძიმე მდგომარეობაშია და მანქანების მოძრაობაც კი ჩამონგრევის საფრთხეს აჩენს. მოსახლეობა მერიას არაერთხელ მიმართა, თუმცა ქუჩის რეაბილიტაცია ამ დრომდე არ დაწყებულა.
ჩუღურეთის რაიონში მდებარე ისტორიულ შენობაში ამჟამად 17 ოჯახი ცხოვრობს. მათი თქმით, შენობის მდგომარეობა ყოველდღიურად უარესდება და ძლიერი ქარი ან წვიმა საკმარისია იმისათვის, რომ საცხოვრებელი სახლები საფრთხის ქვეშ აღმოჩნდეს.
ფიროსმანის ქუჩის მოსახლეობას დღეს ოპოზიციური პარტიის წარმომადგენლები შეხვდნენ და ადგილზე არსებულ მდგომარეობას გაეცნენ.
თბილისში ავარიული სახლების ჩამონგრევის რამდენიმე შემთხვევა უკვე დაფიქსირდა. მერია აცხადებს, რომ პრობლემის შესახებ ინფორმირებულია, თუმცა კონკრეტულად ფიროსმანის ქუჩასთან დაკავშირებით სამუშაოები ჯერ არ დაწყებულა.