ჟურნალისტებთან საუბრისას, ირაკლი კობახიძემ თორნიკე რიჟვაძეზე ისაუბრა და განაცხადა, რომ მასთან კომუნიკაცია არ ჰქონია, რადგან რიჟვაძეს ტელეფონი არ აქვს.
კობახიძემ ასევე თქვა, რომ ის მუდმივად კითხულობს რიჟვაძის ჯანმრთელობის მდგომარეობას.
“მე არ მქონია პირდაპირი კომუნიკაცია თორნიკე რიჟვაძესთან, გამომდინარე იქიდან, რომ ამის ტექნიკური საშუალება არ იყო – ტელეფონი მას არ აქვს, თუმცა ჩვენ მუდმივად ვკითხულობთ მისი ჯანმრთელობის ამბავს და გვიხარია, რომ ყველაფერი მიდის ძალიან კარგი მიმართულებით. რაც შეეხება გამოძიებას, ინფორმაციას – ყველაფრის გასაჯაროება შეიძლება, მათ შორის იმ კადრების, რომლებიც არსებობს, შეგიძლიათ დაინტერესდეთ პროკურატურასთან და ამ კადრების გასაჯაროებას ვერაფერი დაუდგება წინ. ეს არის ისეთი კადრები, რომლებიც ამ შემთხვევას უშუალოდ არ ასახავს. […] მე არ დამირეკია ტელეფონზე, მითხრეს, რომ შეგვეძლო ამბის მოკითხვა, მაგრამ არ შეგვეძლო დარეკვა”. – თქვა კობახიძემ.
შეგახსენებთ, რომ 9 ივლისს რიჟვაძე სამკურნალოდ თურქეთში გადაიყვანეს.