უკრაინის პრეზიდენტმა ვოლოდიმირ ზელენსკიმ, აშშ-ისა და რუსეთის პრეზდენტებს შორის ალასკაში გამართულ შეხვედრაზე ისაუბრა. მან განაცხადა, რომ სისხლისღვრა რაც შეიძლება მალე უნდა შეწყდეს და არა მარტო საბრძოლო ველზე უნდა მოხდეს ეს, არამედ საჰაერო სივრცეშიც.
სისხლისღვრა უნდა შეწყდეს რაც შეიძლება სწრაფად; ცეცხლი უნდა შეწყდეს როგორც საბრძოლო ველზე, ასევე საჰაერო სივრცეში და ჩვენს პორტებთან მიმართებაში. ყველა უკრაინელი სამხედრო პატიმარი და მშვიდობიანი მოქალაქე უნდა გათავისუფლდეს, ხოლო რუსეთმა გატაცებული ბავშვები უნდა დააბრუნოს. ათასობით ჩვენი მოქალაქე კვლავ ტყვეობაშია – ისინი ყველა უნდა დაბრუნდნენ სახლში. რუსეთზე წნეხი უნდა გაგრძელდეს მანამ, სანამ აგრესია და ოკუპაცია გრძელდება.
პრეზიდენტ ტრამპთან საუბრისას ვთქვი, რომ სანქციები უნდა გამკაცრდეს, თუ სამმხრივი შეხვედრა არ შედგება ან თუ რუსეთი ომის გულწრფელად დასრულებისგან თავის არიდებას შეეცდება. სანქციები ეფექტური ინსტრუმენტია. უსაფრთხოება საიმედოდ და გრძელვადიან პერსპექტივაში უნდა იყოს გარანტირებული, როგორც ევროპის, ასევე აშშ-ს მონაწილეობით. უკრაინისთვის მნიშვნელოვანი ყველა საკითხი უკრაინის მონაწილეობით უნდა განიხილებოდეს და არცერთი საკითხი, განსაკუთრებით ტერიტორიული, უკრაინის გარეშე ვერ გადაწყდება.
მადლობა ჩვენს პარტნიორებს, ვინც გვეხმარება. დღეს ევროპელი ლიდერების მნიშვნელოვანი განცხადებაც გაკეთდა, რომელიც ჩვენს პოზიციას აძლიერებს. ჩვენ ვაგრძელებთ თანამშრომლობას ევროპელებთან, ამერიკელებთან და ყველა იმასთან, ვინც საერთაშორისო ურთიერთობებში მშვიდობასა და სტაბილურობას უწყობს ხელს” – ამბობს ზელენსკი.