რუსეთის პრეზიდენტმა ვლადიმერ პუტინმა არ უპასუხა კითხვას, დათანხმდებოდა თუ არა ცეცხლის შეწყვეტას, როდესაც ჟურნალისტებმა მას და აშშ-ის პრეზიდენტ დონალდ ტრამპს, აეროპორტში კითხვები დაუსვეს.
როდესაც ჰკითხეს, “შეწყვეტდა თუ არა მშვიდობიანი მოსახლეობის მკვლელობას“, პუტინმა, როგორც ჩანს, ჟესტით ანიშნა, რომ კითხვა არ გაუგია. იუწყება CNN-ი.
ამ წუთებში, ალასკის შტატის ქალაქ ანკორიჯში დონალდ ტრამპისა და ვლადიმირ პუტინის შეხვედრა მიმდინარეობს.
თეთრი სახლის ცნობით, რუსეთ-ამერიკის მოლაპარაკებები ალასკაზე „სამი სამზე“ ფორმატით იმართება.
დონალდ ტრამპის აშშ-ის პრეზიდენტად მეორე ვადით არჩევის შემდეგ, ეს ლიდერების პირველი შეხვედრაა.