აშშ-ის პრეზიდენტი, დონალდ ტრამპი უკვე ალასკაზეა. მისი თვითმფრინავი რამდენიმე წუთის წინ დაეშვა.
შეგახსენებთ, თბილისის დროით 23:00 საათზე, ალასკაში ტრამპი-პუტინის ისტორიული შეხვედრა გაიმართება. შეხვედრის მთავარი თემა უკრაინაში მიმდინარე ომი იქნება და განიხილება კრიზისის დარეგულირების მთავარი მექანიზმები.
როგორც ცნობილია, თავდაპირველად პრეზიდენტებს შორის პირისპირ საუბარი გაიმართება. შემდეგ, მოლაპარაკებები გაგრძელდება დელეგაციების ფარგლებში, რის შემდეგაც, დაგეგმილია ლიდერების ერთობლივი პრესკონფერენცია.
შეხვედრის შემდეგ შესაძლებელია, რომ მხარეებმა ერთობლივი პრესკონფერენცია გამართონ. უკრაინის პრეზიდენტი ვოლოდიმირ ზელენსკი შეხვედრაში მონაწილეობას არ მიიღებს.