“სამწუხარო რეალობის წინაშე ვდგავართ, სადაც სამართალი ძნელად საპოვნელია.
ამ ბრძოლაში ერთად ვართ, რომ ვიცხოვროთ სამართლიან და მშვიდობიან ქვეყანაში, რასაც ხალხი იმსახურებს.
ვერ გავიგე, რატომ უნდა ისჯებოდნენ ადამიანები, რომ პროტესტი გამოხატეს უსამართლობისა და ძალადობის წინააღმდეგ.
ხელისუფლებას ჩვენი ეშინია, რადგან იციან, რომ სიმართლე ხალხის მხარესაა. მე ბრალს არ ვაღიარებ. პროკურატურას არავითარი მტკიცებულება არ გააჩნია. არ არსებობს ვიდეომასალა, მომჩივანი და დაზარალებული. ნებდებიან მხოლოდ ისინი, ვისთვისაც თავისუფლება არაფერს ნიშნავს.
მინდა, მოგმართოთ ოჯახს, მეგობრებს, ნაცნობებს და უცნობებს. თქვენ ჩემი იმედის სხივები ხართ” – ამის შესახებ აქციების დროს დაკავებულმა დავით ხომერიკმა დასკვნით სიტყვაში განაცხადა.
შეგახსნებთ, დავით ხომერიკის საქმეზე გამოძიება სისხლის სამართლის კოდექსის მე-18 და 229-ე მუხლებით მიმდინარეობს, რაც, გულისხმობს დანაშაულის მომზადებას და ასაფეთქებელი ან სიცოცხლისა და ჯანმრთელობისათვის საშიში სხვა მოწყობილობის ან ნივთიერების გადატანა-განთავსებას.