დღეს, 14 აგვისტოს, თბილისის საქალაქო სასამართლოში ქართველი პოეტისა და მთარგმნელის, ზვიად რატიანის სასამართლო პროცესი იმართება. მას დიდუბე-ჩუღურეთის სახაზო საპატრულო სამმართველოს უფროსზე, თეიმურაზ მეშველაშვილზე ხელის გარტყმა ედება ბრალად. პოეტი ზვიად რატიანი საქართველოს სისხლის სამართლის კოდექსის 353-ე პრიმა მუხლით არის დაკავებული, რაც 4-იდან 7 წლამდე თავისუფლების აღკვეთას ითვალისწინებს.
დღეს ზვიად რატიანი სასამართლო პროცესზე სიტყვით გამოვიდა და თქვა, რომ სათქმელს დასკვნითი სიტყვისთვის შემოინახავს.
“ვეთანხმები ადვოკატებს. არა მგონია ბევრი ახსნა სჭირდებოდა რა და რატომ გავაკეთე და სათქმელს უფრო ვრცლად დასკვნითი სიტყვისთვის შემოვინახავ. ეს იყო ყველაზე უმტკივნეულო სიმბოლური საქციელი, ყველაზე განზოგადებული, რაც ყველა პოლიციელმა უნდა მიიღოს ეს თავის თავზე, ვინც ამ უსამართლობასა და ქვეყნის ღალატშია ჩართული. ბიძინა ივანიშვილით დაწყებული, ეს იყო სილა ყველასთვის“, – განაცხადა ზვიად რატიანმა სასამართლოზე