მიხეილ სააკაშვილი ბათუმისა და ზუგდიდის საკრებულოებში დღეს განვითარებულ მოვლენებს გორის ჰოსპიტალიდან ეხმაურება და მიმართავს ავრცელებს:
“უყურებ ახლა ბათუმში მუსიკალური სკოლისთვის ჩემი და ლევანის აშენებულ შენობას, სადაც ოცნებამ უმაღლესი საბჭო შეასახლა. ბათუმის მერია – გიორგი კირთაძე, ახლა ჩვენი და მათ შორის ჩემი, საამაყო ქალაქი ყაჩაღების ბანდის ხელშია. ზუგდიდის მერია ანზორ მელია და ეს მდგომარეობა სულ მალე აღდგება. ახლა მთავარია გავზარდოთ მასობრიობა, ბეტონის კედლად დავუდგეთ წინ მოძალადეებს – გაუჩერებელი აქტიურობა და ამათ აუცილებლად ჩამოვანგრევთ. თავისუფლების იდეას ესენი ვერ ჩაკლავენ”, – ნათქვამია სააკაშვილის მიმართვაში, რომელიც სოციალურ ქსელში ვრცელდება.
ყოფილი პრეზიდენტის განცხადებას, საქართველოს კულტურის პალატის პრეზიდენტი დავით ოქიტაშვილი “ფეისბუქის” პირადი გვერდის მეშვეობით ეხმაურება:
“და ესაა ცუდათ?! რომ გვაცოდებთ?! ფეხები არავის მოსჭამო, შე გახრწნილო… ასე როგორ უნდა გძულდეს შენი ქვეყანა შე ჯალათო…. დააბრუნეთ ციხეში ეს მკვლელი, კარგად გამხდარა. და გეკითხებით, რა უფლება აქვს არა საქართველოს მოქალქეს, ასეთი განცხადებების კეთებისა, ვკითხულობ!!! და ისჯება კანონით თუ არა?”, – წერს ოქიტაშვილი სოციალურ ქსელში.
ცნობისთვის, ორივე ქალაქის საკრებულოების ძველმა შემადგენლობამ დღეს 2022 წლის ბიუჯეტი დაამტკიცა, რასაც ოპოზიცია ეწინააღმდეგებოდა. პროცესი ხმაურის, დაპირისპირებებისა და დაკავებების ფონზე ჩატარდა.
შსს-ს ინფორმაციით, ზუგდიდში 2, აჭარაში კი 4 პირია დაკავებული.