„ნაციონალური მოძრაობის“ ლიდერი, ლევან ხაბეიშვილი ამბობს, რომ “დღეს “ოცნების“ წევრებმა სახელმწიფო ინტერესებს გადაუარეს და გმირების საფლავზე დააფურთხეს.“
მისი თქმით, “მათი მიზანია, სწორედ ისე დაუხარონ ქართველებმა რუსებს თავი, როგორც თვითონ უხრიან და ყველაზე მეტად სწორედ იმ ქვეყანას ებრძვიან, რომელიც საქართველოს გვერდში უდგას.“
აღშფოთებული ვარ, შეუძლებელია უყურო ამ ადამიანების გარეწრობას,-თქვა მან ინგა გრიგოლიას “დღის ამბებში“.
აღშფოთებული ვარ, შეუძლებელია უყურო ამ ადამიანების გარეწრობას, არ მიკვირს მათი განცხადება, მაგრამ დღეს სასაფლაოზე მივიდნენ და დააფურთხეს გმირების საფლავზე. ესენი არ არიან ოჯახში გაზრდილები, ესენი ბინძური ხალხია.
კობახიძე საერთოდ რაზე ლაპარაკობს, საოკუპაციო ხაზზე ნამყოფია? ლიახვის ხეობაში ჩასულა და უკითხავს ის ხალხი როგორ იძინებდა ყოველ ღამე. ამ ხალხისთვის უკითხავთ რუსები რას უკეთებდნენ? რუსები არ მალავენ, პუტინი ამბობს, რომ ამზადებდა ამ ომს 2006 წლიდან, მაგრამ ეს გარეწერები რას ეუბნებიან ქართველებს. მათ უნდათ სწორედ ისე დავუხაროთ რუსებს თავი, როგორც თვითონ. ყველაზე მეტად ვის ესხმიან თავს? ვინც იცავს საქართველოს სახელმწიფოს და უდგას გვერდით-აშშ-ს, რომელსაც “დიფ სტეიტს“ ეძახიან. მე არ მიკვირს არცერთი მათი განცხადება, ეს არის სახელმწიფოს წინაშე ჩადენილი დანაშული. სისხლი მეყინება, რომ მის ირგვლივ დგანან სამხედროები, ძმებო, თქვენ ფიცი სახელმწიფო წინაშე დადეთ, ამათ კი გადაუარეს სახელმწიფო ინტერესებს და დღეს გმირების საფლავებზე დააფურთხეს, როდემდე შეიძლება ამის ატანა,- განაცხადა ხაბეიშვილმა.