“მოგიწოდებთ მრავალი სხვადასხვა აქციისკენ და უნდა მოვამზადოთ ერთი დიდი საერთო ეროვნული აქცია დეკემბერში. 29-ში ჩანიშნულ “სასამართლო” პროცესზე გთხოვთ, რომ შეიკრიბოთ სასამართლოსთან. ეს იქნება პირველი შესაძლებლობა პირდაპირი მიმართვის ბოლო ორ თვეში. ყველამ ვიცით, რომ სასამართლო ფარსია, მაგრამ შეგვიძლია გამოვიყენოთ ჩვენი შეხვედრის ადგილად“ – ამის შესახებ საქართველოს ექს-პრეზიდენტი მიხეილ სააკაშვილი, საკუთარ მიმართვაში წერს.
პატიმრობაში მყოფი ყოფილი პრეზიდენტის განცხადებას მწერალი, ირაკლი კაკაბაძე “ფეისბუქის” პირად გვერდზე ეხმაურება:
“შე გრუ-ს ლეიტენანტო. შენ რომ ასეულ ათაობით ადამიანს იჭერდი, ათასობით ადამიანს აწამებდი და კლავდი – ისინი არ იყვნენ “რეჟიმის მსხვერპლები”?! – სტარსბურგში 100-ზე მეტი საქმე გაქვს უკვე წაგებული ადამიანის უფლებების სასამართლოში და პასუხს გთხოვთ ყევლა დაზარალებული – შენი მმართველობის დროს ქვეყნის პრემიერ-მინისტრიდან, ზურაბ ჟვანიადან დაწყებული, და უბრალო მოქალაქე ზერეკიძით დამთავრებული უამრავი ადამიანი მოკლეს. და შენ დაიცავი მათი უფლებები?! ახლა ირკვევა, რომ თურმე, კრემლიდან ფულს იღებდი უკრაინაში და ახლაც იქიდან გაქვს აღებული ფული საქართველოში სამოქალაქო ომის მოსაწყობად. შენი ადგილი არის ჰააგის სასამართლოში საკუთარი ერის გენოციდის მოწყობისათვის. და ჩვენ – შენგან დაზარალებული მსხვერპლები, ზოგი ამერიკის, ზოგი საქართველოს, და ზოგიც ისრაელის მოქალაქეები ყველაფერს გავაკეთებთ იმისთვს, რომ სამართალმა პური ჭამოს. ქოცებიც თუ წააგებენ სტრასბურგში ამდენ საქმეს – მათაც იგივე ბედი ელით და ნებისმიერ სხვა მთავრობასაც, რომელიც ადამიანების უფლებებს ასე არღვევს”, – წერს სოციალურ ქსელში ირაკლი კაკაბაძე.