5 აგვისტოს საქართველოს სახალხო დამცველი ლევან იოსელიანი ბრიტანეთის ელჩს საქართველოში გარეტ უორდს შეხვდა.
საქართველოს სახალხო დამცველი განცხადებას აქვეყნებს და წერს, რომ შეხვედრაზე საქართველოში ადამიანის უფლებათა დაცვის თვალსაზრისით არსებული მდგომარეობა, ბოლო პერიოდის გამოწვევები და მათ დასაძლევად სახალხო დამცველის როლი და საქმიანობა განიხილეს.
“შეხვედრაზე საქართველოში ადამიანის უფლებათა დაცვის თვალსაზრისით არსებული მდგომარეობა, ბოლო პერიოდის გამოწვევები და მათ დასაძლევად სახალხო დამცველის როლი და საქმიანობა განიხილეს. განსაკუთრებული ყურადღება გაამახვილეს სახალხო დამცველის წლიურ საპარლამენტო ანგარიშებში ასახული რეკომენდაციების შესრულების მდგომარეობაზე.
ბრიტანეთის ელჩმა მხარდაჭერა გამოხატა საქართველოს სახალხო დამცველის აპარატის მიმართ. მხარეები შემდგომი თანამშრომლობის გაგრძელებაზე შეთანხმდნენ.
შეხვედრას ასევე ესწრებოდნენ სახალხო დამცველის მოადგილე ელენე ღუდუშაური და ბრიტანეთის საელჩოს პოლიტიკური მრჩეველი ალექსანდრა შეპარდი” – ნათქვამია განცხადებაში.