4 აგვისტოს, იტალიის სენატში გამართულ მოსმენაზე დეპუტატმა მარკო ლობარდიმ საქართველოში მიმდინარე პროცესებზე ისაუბრა. იგი საუბრისას მზია ამაღლობელისა და ნინო დათაშვილის პატიმრობის ფაქტებს შეეხო. მისი თქმით, ისინი პოლიტპატიმრები არიან და “ქართული ოცნება” არ არის ლეგიტიმური მთავრობა.
“მსურს სენატს გავაცნო ქართველი ჟურნალისტის, მზია ამაღლობელის საქმე. იგი დააკავეს იანვარში მას შემდეგ, რაც პოლიციელ ირაკლი დგებუაძეს სილა გააწნა. ეს სილა იყო რეაქცია პოლიციის მხრიდან ფიზიკურ და სიტყვიერ ძალადობაზე, აბუჩად აგდებაზე, შეფურთხებაზე. მას არ მისცეს წყალი და არ მისცეს საპირფარეშოში წასვლის უფლება. “ჩაიფსი” – სწორედ ამან გამოიწვია სილა.
ამ სილას მოჰყვა მისი დაპატიმრება, რომელიც უკვე მეშვიდე თვეა გრძელდება. მას შვიდ წლამდე თავისუფლების აღკვეთა ემუქრება…
[…]
ნინო დათაშვილი, პედაგოგი, შესაძლოა ფსიქიატრიულ დაწესებულებაში გადაიყვანონ, ფსიქიკური ჯანმრთელობის არამდგრადობის მოტივით! ისი ზურგი არ ტყდება და მისი სული არ იჩოქებს უსამართლობის წინაშე! ფსიქიკური ჯანმრთელობის გამოყენება პოლიტიკური დევნისთვის, ეს ავტორიტარული რეჟიმებისთვის დამახასიათებელია.
მზია ამაღლობელი და ნინო დათაშვილი დამნაშავეები არ არიან – ისინი პოლიტპატიმრები არიან! “ქართული ოცნება” არ არის ლეგიტიმური მთავრობა – ეს რეჟიმია!
როცა ზოგიერთი გვეუნბება, რომ უნდა შეხვდნენ საქართველოს “ხელისუფლების” წარმომადგენლებს, რადგან, არ შეიძლება საქართველოს მთავრობა შევატოვოთ რუსეთს, მიჩნდება ფიქრი, რომ იტალიის ამოცანა და მორალური ვალდებულება უნდა იყოს არა საქართველოს მთავრობის, არამედ ქართველი ხალხის არ შეტოვება რუსეთის ხელში” – თქვა დეპუტატმა მარკო ლობარდიმ.