პროკურატურამ პატიმრობაში მყოფი აქტივისტის, ნინო დათაშვილის მიმართ ფსიქიატრიული ექსპერტიზის ჩატარება მოითხოვა, სასამართლომ კი აღნიშნული შუამდგომლობა დააკმაყოფილა.
ნანუკა ჟორჟოალიანი სოციალურ ქსელში ნინო დათაშვილის მიერ დაწერილ წერილს აქვეყნებს, სადაც იგი საზოგადოებას მიმართავს და ეუბნება, რომ თუ პროტესტი გაჩერდა, ყველა ან ციხეში აღმოჩნდება, ან ფსიქიატრიულში.
“ყველას დიდი მადლობა გამოხმაურებისთვის და მხარდაჭერისთვის!
ყველას გიყურეთ, ყველანი მიყვარხართ. ძალიან სწორად აფასებთ, რაც მე სახელმწიფო მანქანამ დამატეხა თავს. ეს ყველას შეეხება. ყველა ან ციხეში ან ფსიქიატრიულში ვიქნებით, თუ პროტესტი გაჩერდა. მანქანა ვერ გაგვჭყლეტს. ვერც ინდივიდებს და ვერც საქართველოს ხალხს.
სადაც უნდა ვიყო, ყველგან დავამტკიცებ ჩემს სიმართლეს.
ამჯერად გავიმარჯვებთ სახელოვნად!” – წერია დათაშვილის წერილში.