დღეს, 4 აგვისტოს, თბილისის საქალაქო სასამართლოში პროდასავლურ აქციაზე დაკავებული 8 პირის სასამართლო პროცესი მიმდინარეობს. მოსამართლე თამარ მჭედლიშილმა ჯგუფური ძალადობის მონაწილეობისა და მისი ორგანიზების ბრალდებით დაკავებული პირების საქმის მთავარ გამომძიებელს, არსენ ხუნაშვილს, რომელიც 5 საათია, სასამართლოში ჩვენებას აძლევს მიმართა და უთხრა, რომ ის ახლა სასამართლოში იმყოფება და არა ცენტრალურ კრიმინალურ პოლიციაში. ინფორმაციას ამის შესახებ Ipn-ი ავრცელებს.
მოსამართლის გაღიზიანება, გამომძიებლის არსენ ხუნაშვილის, ვეფხვია კასრაძის ადვოკატისადმი მიმართვამ გამოიწვია. გამომძიებელმა კასრაძის ადვოკატს უთრა, რომ ის „ერთი და იმავე კითხვებს უსვამდა და დროის გაყვანა უნდოდა”.
“რას ნიშნავს დროის გაყვანა უნდა? მე რას ვაკეთებ აქ? თქვენ ვალდებულება გაქვთ, კითხვებს პასუხი გასცეთ, თუკი ის მე არ განვარიდე“, – მიმართა მოწმე გამომძიებელს მოსამართლემ.