დღეს, 4 აგვისტოს, ბათუმის საქალაქო სასამართლოში მზია ამაღლობელის დასკვნითი სასამართლო პროცესი იმართება, სადაც “ბათუმელებისა” და “ნეტგაზეთის” დამფუძნებელი სიტყვით გამოვიდა. ინფორმაციას “რადიო თავისუფლება” ავრცელებს.
მზია ამაღლობელის თქმით, ნინო დათაშვილი იმავე დაწესებულებაშია, სადაც თავად იმყოფება, მაგრამ ერთმანეთისგან იზოლირებულები არიან.
“ერთ-ერთ სხდომაზე ვთქვი, გარეთ ისე ვითარდება სიტუაცია, ჩემს საქმეზე ვერ ვკონცერტრირდები მეთქი. 4 აგვისტო მქონდა მონიშნული თარიღი, რომელიც ნინო დათიშვილის, სინდისის პატიმრის, აღკვეთის ღონისძიებაზე უნდა ემსჯელა. ის იმავე დაწესებულებაშია, სადაც მე, მაგრამ ისე ვართ იზოლირებული, შემთხვევითაც ვერ შევხვდი.
ნინო გამაგრდი, მარტო არ ხარ!
მაშინ, როცა გავიგე, რომ ნინო დათიშვილს პროკურატურას იძულებით ჰყავდა გადაყვანილი ფსიქიატრიულში, ჩამოვიშალე…
ბატონო პრპოკურორებო, ხანდახან ბრაზისგან მეც თვალი ამიცრემლიანდა, სიტყვებს ვერ ვპოულობ, ხმა მიკანკალებს – რას ფიქრობთ, მეც ხომ არ უნდა გადამამოწმოთ ფსიქიატრიულში?
ჩემი სათქმელი ნინო დათიშვილის ამბავმა შეცვალა, მინდოდა მესაუბრა ნეტგაზეთზე, ბათუმელებზე…” – თქვა ამაღლობელმა “რადიო თავისუფლების” ცნობით.