საქართველოს რკინიგზასთან დაკავშირებით მომზადებული კრიტიკული დასკვნის შემდეგ, სამხარაულის ექსპერტიზის ეროვნული ბიუროდან ექსპერტი გაათავისუფლეს. ნინო კობალაძის მიერ მომზადებულ დასვკნაში ეწერა, რომ საქართველოს რკინიგზა, სავარაუდოდ, მატარებლისთვის განკუთვნილ საცხ ელზეთინს იყენებს, რომელიც უვარგისია და ამით ათასობით ადამიანის სიცოცხლე საფრთხის ქვეშ ექცევა.
“მე დავწერე დასკვნა, რომ გარეგანი სახით ეს პროდუქტი არ შეესაბამებოდა სტანდარტების მოთხოვნებს და იყო დასაწუნებელი. რკინიგზიდან მომივიდა ინფორმაცია, რომ გავიდა დადებითი დასკვნა, ჩატარდა ყველა პარამეტრი და თეო ხუჭუამ თითოეულ საცხს დაუწერა 145 – 147 გრადუსი, როდესაც 100 %-ით 122 გრადუსია. თეო ხუჭუამ აბსოლუტურად გააყალბა ეს ყველაფერი. შემპირდნენ, რომ საცხის გამოყენება არ მოხდებოდა, მაგრამ რამდენიმე თვის წინ მომივიდა ინფორმაცია რკინიგზიდან, რომ ამ საცხს დღესაც იყენებენ, იმიტომ რომ დიდი პარტიაა შემოსული და სხვა ელზეთინი არ შემოსულა. მითუმეტეს ზაფხულში, როდესაც ასეთი ტემპერატურაა, შეიძლება ცივ ტეპერატურაში საცხმა გაჭირვებით იმუშაოს, თუმცა სიცხეში ეს არის კატასტროფა” – ამბობს ნინო კობალაძე TV პირველთან