„ვარდების რევოლუციის“ გმირი გისოსებს მიღმა რომ წევს, ამით კმაყოფილი ვერ ვიქნები, საზოგადოების მოთხოვნა მიხეილ სააკაშვილის თავისუფლება უნდა იყოს, – ამის შესახებ საქართველოს ექს-პრეზიდენტ მიხეილ სააკაშვილის დედამ, გიული ალასანიამ გუშინ 22 ნოემბერს, ჟურნალისტებს განუცხადა, რომელმაც შვილი გორის სამხედრო ჰოსპიტალში მოინახულა.
ყოფილი პრეზიდენტის დედის განცხადებას, საქართველოს კულტურის პალატის პრეზიდენტი დავით ოქიტაშვილი ეხმაურება და გიულის ალასანიას “ფეისბუქის” პირადი გვერდის მეშვეობით მიმართავს:
“ქალბატონო გიული, 23 ნოემბრის შემოქმედს. როგორც თქვენ მოიხსენიებთ თქვენს შვილს, ეს ყველაფერი დაგავიწყდათ, რას სჩადიოდა თქვენი შვილი მის გუნდთან ერთად?
-საკუთარი ერი არ აწამეს?!
– საკუთარი ერი არ გაძარცვეს?!
– აქციები სისხლში არ ჩაახრჩეს?!
– რუსთაველზე გვამები ჯიხურზე არ შემოყარეს?!
– 26 000 ფაილი არ გადაიღეს?!
– ქართველი მეომრების გვამები, ჯერ კიდევ თბილი იყო და უკვე რუსთაველზე “ომის მოგება” არ იზეიმეს?!
– ქართული მოსახლეობა მოტყუებით მტრის ხახაში არ ჩატოვეს?!
– 3 დღეში მთელი საქართველო, კოდორით და ახალგორით, რუსებს არ გადააბარეს?!
– 120 დაკარგულ სოფელს, ქვების გროვა არ უწოდეს?!
-30 000 თურქს რომ საქართველოს მოქალაქეობა მისცეს ომისა და ბრძოლის გარეშე…
– პატარა ბიჭები “დილიხორის” გამო, ქუშაში არ ხვრიტეს?!
– ქართველი ოფიცრები , ზღვაში გაყვანილი და თავში გასროლით , ფეხზე თოკით და ქვებით , ზღვის ფსკერზე არ გაუშვეს ⁉️
– ამერიკელებზე მიწერილი პატაკისთვის შავაძეს წამებაში სული არ ამოხადეს?!
– საკუთარი საქმისნობისა და მოღალატეობრივი საქმიანობის გადასაფარად, თეთრაძეს წამებაში სული არ ამოხადეს?!
– სამეგრელოს სამალავებში უბრალო გალელ გლეხებს, წამებასა და გაუპატიურებაში სული არ ამოხადეს?!
– საკუთარ მოსახლეობას ხურჩაში ტერაქტი არ მოუწყვეს?!
– გაჭირვებულ მოზარდებს, უპატრონო ჯართის ხელის ხლებისთვის 10 -11 წლები არ მიუსაჯეს?!
– სვანეთს სამხედრო მოიერიშე ვერტმფრენებით ჯოჯოხეთი არ მოუწყვეს?!
– ბათუმიც კინაღამ არ გადაწვეს?!
– დღესაც სულ დამხობა – დაქცევა არეულობაზე არ ნატრობენ?!
– პატრიარქზე, თავისი საწამლავებით, ციანიდებით და ეკლესიაზე შეტევა არ მიიტანეს?!
– წაგების მერე, ქვეყანა არ მოიძულეს?!
– ბიჭო, ამათ სანთებელით თივის ზვინზე გაკვრა მოერიდებათ?!
– ხალვაშის საწყობი არ დაწვეს?!
-პოლიცია ჯარს “ბადრის რაააა ” არ აყვირეს?!
– დახვრეტილი შვილის საფლავზე მისული მამა არ ააფეთქეს?!
ეს ის მცირე ჩამონათვალია, რასაც თქვენი შვილი სჩადიოდა მის გუნდთან ერთად! გაიგეთ, და ეს მწამებლები კიდე რომ ხარობენ და გვემუქრებიან…
რა მიშა, რის მიხო, რა გათავისუფლება?!
და მთავარი ქალბატონო გიული, თქვენ არ წაართვით 2008 წელს საქართველოს ტექნიკურ უნივერსტეტს მათი კუთვნილი ქონება?! როდესაც ჩვენი საამაყო ბიჭები ოკუპანტს ებრძოდნენ, თქვენ ერთ ლარად იფორმებდით ჩვენ საამაყო ახალგაზრდობის ტექნიკური უნივერსტეტის სტუდენტების,პროფესორ მასწავლებლების კუთვნილ შენობა-ნაგებობებს, სტადიონებს… იქნებ ვიტყუები?!
ეს ისე, ცნობისთვის, გახსენებთ”, – მიმართავს დავით ოქიტაშვილი სოციალური ქსელის მეშვეობით გიული ალასანიას.