გაათავისუფლეთ მზია ამაღლობელი, წაშალეთ საქართველოს ისტორიიდან ეს სამარცხვინო ფურცელი, – ამის შესახებ არქიმანდრიტი დოროთე ყურაშვილი სოციალურ ქსელში წერს და “ბათუმელები/ნეტგაზეთის” დამფუძნებლის, მზია ამაღლობელის დაკავებას ეხმიანება.
“გაათავისუფლეთ მზია ამაღლობელი, წაშალეთ საქართველოს ისტორიიდან ეს სამარცხვინო ფურცელი, ჩამოხსენით ქვეყანას უსამართლობის ტვირთი, გონს მოდით, რომ არ დაგატყდეთ სამართლიანი ღმერთის რისხვა თქვენ და მთელ თქვენს შთამომავლობას, ღმერთი უფრო მკაცრია, ვიდრე თქვენ გონიათ,” – წერს არქიმანდრიტი დოროთე ყურაშვილი.
ცნობისთვის, ამ წუთებში მზია ამაღლობელის დასკვნითი სასამართლო სხდომა მიმდინარეობს.
შესაძლებელია განაჩენი დღესვე გამოაცხადდეს.
მზია ამაღლობელს 4-დან 7 წლამდე პატიმრობა ემუქრება ბათუმის პოლიციის უფროსის, ირაკლი დგებუაძისთვის სილის გაწვნის გამო.