“ქართული ოცნების” ექსპრემიერი მისი ყოფილი თანაგუნდელების დანაშაულებრივ სქემებს ამხელს. გიორგი გახარია უფრო მეტ დეტალს ყვება იმ შიდა კლანურ გარჩევებზე, რის შესახებაც ინფორმაცია პარტიული კულუარებიდან ისედაც ჟონავს. ირკვევა, რომ წლების განმავლობაში “ოცნებაში” ფულის მოპარვის 2 მთავარი წყარო ჰქონდათ. ერთი ქოლცენტრებია, რომელსაც სავარაუდოდ სახელმწიფო უსაფრთხოების სამსახური მფარველობს, მეორე კი კრიპტოვალუტა.
“ოცნების” ყოფილმა მინისტრმა რამდენიმე დღის წინ – ინგა გრიგოლიას გადაცემა “რეაქციაში” – დაადასტურა, რომ შიდა დაპირისპირება უმძიმეს ფაზაშია შესული. ამ გარჩევებზე საუბრისას გიორგი გახარია ახსენებს სიტყვა სროლას, რაც აჩენს განცდას, რომ კონფლიქტი პარტიაში უკვე იმ მასშტაბზე გავიდა, რომ დაპირისპირებული მხარეები ერთმანეთთან შეიარაღებულ ანგარიშსწორებას არ ერიდებიან.