ბელარუსის პრეზიდენტის, ალექსანდრე ლუკაშენკოს თქმით, „რუსეთი ბელარუსის უსაფრთხოების გარანტია“.
„2020 წელს მტკიცედ რომ არ დავმდგარიყავით, ვიცით, რაც მოხდებოდა. ამ რთულ დროს რუსეთი რომ არ დაგვხმარებოდა, ძნელი წარმოსადგენია, რა იქნებოდა დღეს. ალბათ, უკვე ნატო-სთან პირისპირ ვიქნებოდით“, – აღნიშნა მან.
ამასთან, ლუკაშენკომ კომენტარი გააკეთა აშშ-ის პრეზიდენტის, დონალდ ტრამპის შესახებ.
„თქვენ იცით ტრამპის პრინციპი: „ამერიკა უპირველეს ყოვლისა“. შესაძლოა, ეს უკეთესია, ვიდრე „ლიბერალური მსოფლიო წესრიგი“, რომელიც ბაიდენის დროს იყოს. ამერიკელებთან ბოლო შეხვედრებმა აჩვენა, რომ ისინი მოსმენისთვის მზად არიან. ტრამპის დაბრუნებამ ურთიერთობების გაუმჯობესების შესაძლებლობა შექმნა“, – განაცხადა ბელარუსის პრეზიდენტმა.