ალეკო ელისაშვილი მომავალ არჩევნებთან დაკავშირებით განცხადებას ავრცელებს. მისი თქმით, თუ მერობის კანდიდატი კვლავ კალაძეა, მისი დამარცხება მარტივი არ იქნება. იგი ამბობს, რომ ისინი უთანასწორო ბრძოლაში შედიან.
“მარტივი არ იქნება კალაძის დამარცხება (ალბათ, კალაძე იქნება).
იმიტომ, რომ ესენი ყველაფერს იკადრებენ, ყველაფრის მკადრებლები არიან და ყველაფერი უკადრებიათ.
უთანასწორო ბრძოლაში შევდივართ, მაგრამ ელექტორალურ მხარდაჭერას რაც შეეხება – ნებისმიერი კვლევა აიღეთ, თბილისში ოპოზიციურად განწყობილი ელექტორატი სამჯერ მეტია, ვიდრე ქართული ოცნების მხარდაჭერა.
ამიტომ ვამბობთ, რომ რატომ უნდა დავუთმოთ, რატომ მივართვათ ლანგარზე ეს არჩევნები.
ბოიკოტი არის ლანგარზე მირთვევა და ჩუქება, პირდაპირი გადაფორმება – მაგათაც ეს უნდათ, რომ აგვაგდონ, ჩვენს ემოციებზე იმუშაონ.
მაგრად ვაჟკაცურად ჟღერს “ბოიკოტი”, მაგრამ შინაარსი არ აქვს ამ ბოიკოტს – ეს არ არის ამათი დამარცხების მექანიზმი და გზა.
ბრძოლა არის მექანიზმი და გზა” – აცხადებს ალეკო ელისაშვილი.