სულ უფრო ხშირად მომდის ინფორმაცია, რომ თუ ბოდიშს მოვიხდი, გამიშვებენ და ეს ეხება დანარჩენებსაც. ძალიან რთულია ამას კორექტული პასუხი მოვუძებნო, მაგრამ ვაი თქვენს პატრონს, ვინც ამას ითხოვს!– ასე გამოეხმაურა დაკავებული მსახიობი, ანდრო ჭიჭინაძე მიხელ ყაველაშვილის მიერ შეწყალების შეთავაზებას.
როგორც ანდრო ჭიჭინაძემ სასამართლო პროცესზე თქვა, არ აპირებს ბოდიშის მოხდას, რადგან ბრალდება გამოგონილია.
“რაც დრო გადის, სულ უფრო ხშირად მომდის ინფორმაცია, რომ თუ ბოდიშს მოვიხდი – გამიშვებენ. სინამდვილეში, საკითხი ასე დგას: რთულია ამას კორექტულად პასუხი მოუძებნო – ვაი, თვქვენს პატრონს! ეს ბოდიში და შეწყალება შეუძლიათ პოლიციელებს შესთავაზონ.
რაც შეეხება ბრალდებას, არის მოგონილი. ვიდეომტკიცებულებები, რაც აქვს წარმოდგენილი პროკურატურას ინდივიდუალურად, გარჩევით არანაირ დანაშაულს არ ადასტურებს. ამისთვის მოიგონეს ჯგუფურობა. იმასაც ვამბობ, რომ ვიდეოზე მე ვარ, არც სიტყვიერ შეურაცხყოფას უარვყოფ და არც იმ ქმედებას, რაც ვიდეოში ჩანს – არავის სიცოცხლეს და ჯანმრთელობას ამით საფრთხე არ შექმნია.” – განაცხადა ანდრო ჭიჭინაძემ.