“ქართული ოცნების” დეპუტატი თენგიზ შარმანაშვილი სუს-ის მიერ ყოფილი თავდაცვის მინისტრის მოადგილისა და კიდევ ორი პირის დაკავებას ეხმაურება და აცხადებს, რომ ამ ქვეყანაში დაუსჯელი არავინ დარჩება.
მისი თქმით: “უკანონო ქმედებები არავის არ შერჩება”
“ამ ქვეყანაში დაუსჯელი არავინ დარჩება, ვინც სახელმწიფო ინტერესების საწინააღმდეგოდ წავა, მათ შორის კორუფციასთან დაკავშირებით, რადგან კორუფცია სახელმწიფო უსაფრთხოების ერთ-ერთი ელემენტია. ინდულგენცია არავისთვის იქნება მისი სახელი და გვარი. ნურავინ დატკბება დღევანდელი მდგომარეობით, მათ უნდა იცოდნენ, რომ ეს [თანამდებობა] არის არა პრივილეგია, არამედ დიდი ტვირთი. ვინც ამ ტვირთს ღირსეულად ვერ ზიდავს, მან ჯობია, ამ ტვირთის აცილების თაობაზე გადაწყვეტილება თავადვე მიიღოს – წინააღმდეგ შემთხვევაში უკანონო მოქმედებები არავის შერჩება“, – აღნიშნა თენგიზ შარმანაშვილმა.