„სტრატეგია აღმაშენებლის“ ლიდერი, გიორგი ვაშაძე ციხიდან ავრეცელსბ წერილს, რომელიც ოპოზიციის სამოქმედო გეგმას ეხება.
„რვა პუნქტიანი გეგმა არის მწყობრი, გააზრებული ნაბიჯების ერთობლიობა როგორ მივაღწიოთ გამარჯვებას.
ფორმულა მარტივია, თუ ერთად ვიქნებით – გავიმარჯვებთ, რადგან ერთად მდგომ ქართველ ხალხს ივანიშვილის რეჟიმი ვერ დაუდგება წინ. დანარჩენი დროის საკითხია და ჩვენს მონდომებასა და აქტიურობაზეა დამოკიდებული.
ძალა ერთობაშია!
გამარჯვების 8 პუნქტიანი გეგმა:
1. ვერთიანდებით საერთო ბრენდის ქვეშ
o ვერთიანდებით პოლიტიკური პარტიები, საზოგადოებრივი ჯგუფები და სალომე ზურაბიშვილი საერთო ბრენდის ქვეშ;
2. ერთიანობის ურღვეობისთვის ვთანხმდებით გადაწყვეტილებების მიღების წესზე
o თუ კონსესუსი ვერ მიიღწევა, გადაწყვეტილება მიიღება გაერთიანებაში შემავალი სუბიექტების უმრავლესობით;
o მიღებული გადაწყვეტილება სავალდებულოა ყველასთვის;
3. სოციოლოგიურ კვლევებში ვაფიქსირებთ დიდ უპირატესობას
o მიზანია კვლევაში დიდი უპირატესობის დაფიქსირება – ამის ყველანაირი შესაძლებლობა გვაქვს გაერთიანების შემთხვევაში;
o ეს შეცვლის ხალხის განწყობას, გააჩენს ახალმუხტს და აჩვენებს რეალურ ძალას, ალტერნატივას, რომელიც უფრო მეტია, ვიდრე ქოცი;
4. ვაახლებთ საერთო ეროვნულ კამპანიას
o კამპანია მიმდინარეობს როგორც ონლაინ, ისე პირისპირ – თბილისში და რეგიონებში;
o მიზანია სპეციალურ აპში (სარეგისტრაციო პროგრამაში) მინიმუმ მილიონი მხარდამჭერის რეგისტრაცია;
o აპი გამოიყენება გადაწყვეტილებების მიღებაში ჩასართავად, შეტყობინებების და კოორდინაციისთვის;
5. ვნიშნავთ საერთო ეროვნულ შეკრებას
o ვაორგანიზებთ და ვნიშნავთ მასშტაბურ შეკრებას – „მილიონი ქართველი“;
o გადამწყვეტი შეტევა შესაძლოა იყოს 4 ოქტომბერს;
6. ვაახლებთ მოთხოვნას დროებითი მთავრობისშესახებ
o ვითხოვთ დროებით მთავრობას, რომელიცჩაატარებს ახალ არჩევნებს;
7. უკიდურესი ზომები უარის შემთხვევაში
o თუ მოთხოვნებს არ დააკმაყოფილებენ, საერთო ეროვნული მასშტაბით ვიწყებთ დაუმორჩილებლობის კამპანიას
▪ სხვა ბევრი ნაბიჯები გვაქვს მოფიქრებული, რომლებსაც მოგვიანებით გაგაცნობთ
8. ვანიშნინებთ ახალ არჩევნებს
o ვაიძულებთ ჩანიშნონ ახალი საპარლამენტოარჩევნები სამართლიანი წესებით;
o ახალ არჩევნებზე გაერთიანება გავდივართსაერთო ბრენდით, სახელით და დიდიუპირატესობით იმარჯვებს ქართველი ხალხი!“, – აღნიშნულია წერილში.