აშშ-ს პრეზიდენტმა, დონალდ ტრამპმა იუსტიციის დეპარტამენტს მიმართა და ჯეფრი ეპსტეინის საქმის დამატებითი მასალების გასაჯაროება დაავალა.
„იმ აბსურდული რაოდენობის მედია-ყურადღების საფუძველზე, რაც ჯეფრი ეპსტეინს დაეთმო, ვთხოვე გენერალურ პროკურორ პემ ბონდის, წარადგინოს ყველა შესაბამისი უმაღლესი ნაფიც მსაჯულების ჩვენება, სასამართლოს ნებართვის საფუძველზე“, – განაცხადა ტრამპმა.
როგორც BBC იუწყება, ამ ეტაპისთვის უცნობია, ეხებოდა თუ არა ტრამპის განცხადება იმ უმაღლესი ნაფიცი მსაჯულების ჩვენებებს, რომლებიც დაკავშირებული იყო ეპსტეინის პირველ საქმესთან 2000-იანი წლების დასაწყისში, თუ ის უფრო ახალ, 2019 წელს ფედერალური მთავრობის მიერ დაწყებული საქმე იგულისხმა.