ცოტა ხნის წინ, ირაკლი კობახიძემ გამართა ბრიფინგი, სადაც საზოგადოებას „ქართული ოცნების“ პოლიტიკური საბჭოს განცხადება გააცნო.
ასევე მან კომენტარი გააკეთა ევროსტრუქტურებთან კომუნიკაციის საკითხის შესახებ.
„მე შემიძლია, დღესვე გავფრინდე ბრიუსელში და ევროკომისარი იქნება თუ ევროპული საბჭოს პრეზიდენტი, ნებისმიერთან დისკუსიისთვის მზად ვარ. იქიდან რაა პასუხი? საბჭოური მიდგომა – არაფერზე გესაუბრებიან და მოდიან ცარიელი ულტიმატუმებით… ფოსტით გიგზავნიან ულტიმატუმებს, არც გესაუბრებიან“, – თქვა კობახიძემ.