აშშ-ის პრეზიდენტმა, დონალდ ტრამპმა, NATO-ს გენერალურ მდივანთან, მარკ რუტესთან პრესკონფერენციისას თქვა, რომ რუსეთს 50 დღეს აძლევს უკრაინასთან შეთანხმების მისაღწევად, წინააღმდეგ შემთხვევაში, მკაცრ მეორად სანქციებს დააწესებს.
აღნიშნულს რუსეთის საგარეო საქმეთა მინისტრი, სერგეი ლავროვი ეხმაურება.
„ჩვენ, რა თქმა უნდა, გვინდა გავიგოთ, რა დგას ტრამპის მიერ 50 დღეზე გაკეთებული განცხადების უკან. ადრე ყოფილა 24 საათი, 100 დღეც, ჩვენ ეს ყველაფერი გავლილი გვაქვს და ჭეშმარიტად გვსურს გავიგოთ, რით ხელმძღვანელობს აშშ-ს პრეზიდენტი“, – აღნიშნავს ლავროვი.