“მრავლობითი დაზიანებები აღენიშნებოდა” – რას აცხადებს “ვივამედის” კლინიკური დირექტორი გიორგი ბაჩიაშვილზე

თანაინვესტირების ყოფილ დირექტორს, გიორგი ბაჩიაშვილს ციხეში ფიზიკურად გაუსწორდნენ, რის შემდეგაც ის კლინიკა “ვივამედში” გადაიყვანეს.

“მეტრონომი” “ვივამედის” დირექტორს, ზურაბ ჩხაიძეს დაუკავშირდა ბაჩიაშვილის მდგომარეობის გასაგებად.

როგორც ზურაb ჩხაიძემ განაცადა, ბაჩიაშვილი სხეულზე სხვადასხვა სახის დაზიანებით 11 ივლისს კლინიკა “ვივამედში” შეიყვანეს, თუმცა სამედიცინო დახმარების აღმოჩენის შემდეგ, მან იმ დღესვე დატოვა კლინიკა.

“გიორგი ბაჩიაშვილი 11 ივლისს შემოიყვანეს კლინიკა “ვივამედში” სხეულზე სხვადასხვა სახის დაზიანებით, მათ შორის თავის არეში.
მას შემოყვანიდან მალევე აღმოუჩინეს სამედიცინო დახმარება, ჩაუტარდა ყველა საჭირო პროცედურა, მათ შორის კომპიუტერული ტომოგრაფია.
მისი მდგომარეობის გათვალისწინებით, ჯანმრთელობას საფრთხე არ ემუქრებოდა და ის იმ დღესვე დააბრუნეს პენიტენციურ დაწესებულებაში, ექიმის მეთვალყურეობის ქვეშ.” – განაცხადა ზურაბ ჩხაიძემ.