საქართველოს ექს-პრეზიდენტის მამა, ნიკოლოზ სააკაშვილი, “ფეისბუქის” პირად გვერდზე კონსილიუმის ექიმების ციხეში არშეშვებას ეხმაურება და წერს, რომ სამუშაო საათების მიზეზით, პაციენტთან ექიმის არშეშვება გაუგონარი ფაქტია.
“მე დღემდე ვიცოდი, რომ ექიმისთვის არასამუშაო საათები არ არსებობს პაციენტთა მიმართებაში. გაოგნებული ვარ, ეს რეები მესმის… სრული განუკითხაობაა… გული მაქვს გახეთქვაზე”, – წერს ნიკოლოზ სააკაშვილი სოციალურ ქსელში.
ცნობისთვის, კონსილიუმის წევრები გლდანის მე-18 სასჯელაღსრულების დაწესებულებასთან 14 ნოემბერს, ორი საათის განმავლობაში იცდიდნენ, თუმცა პენიტენციურმა დაწესებულებამ ისინი ყოფილ პრეზიდენტთან არ შეუშვა, ოფიციალურ მიზეზად კი არასამუშაო დრო დაასახელა.