გერმანიის კანცლერმა, ფრიდრიხ მერცმა რომში, უკრაინის რეკონსტრუქციის კონფერენციაზე სიტყვით გამოსვლისას, რუსეთის პრეზიდენტს, ვლადიმერ პუტინსა და აშშ-ის ლიდერს, დონალდ ტრამპს მიმართა.
„ორი მესიჯი მაქვს, პირველი მიემართება პრეზიდენტ პუტინს, მესიჯი საკმაოდ მარტივია – ჩვენ არ დავნებდებით!
მეორე მესიჯი კი მიემართება პრეზიდენტ ტრამპს – დარჩით ჩვენთან! დარჩით ევროპელებთან! ჩვენ ერთ აზრზე ვართ, ჩვენ გვსურს სტაბილური პოლიტიკური წესრიგი ამ მსოფლიოში. ჩვენ ორივე, ამერიკელებიც და ევროპელებიც ამის ნაწილი ვართ. დარჩით ჩვენთან ამ მხარეს, ჩვენი საერთო ისტორიის ამ გვერდზე“, – თქვა მან.