“ვფიქრობდი – ღმერთო, რატომ არ კვდება ეს ადამიანი, ყველა დავისვენებდით” – რას იხსენებს მამა შალვა კეკელია

მამა შალვა კეკელიამ “ობიექტივის” ეთერში გაიხსენა, რომ რამდენიმე კვირის წინ, როგორც სასულიერო პირი, საშინელმა ფიქრებმა შეიპყრო, მან ადამიანის სიკვდილზე დაიწყო ფიქრი.

“რამდენიმე კვირის წინ, დაახლოებით 1 თვის წინ, მონასტერში ვიყავი წასული, ჩემთვის განვმარტოვდი, ტყეში ვიყავი ასული მარტო… შევედი ტყეში, ჩემი ადგილი მაქვს რაღაც, სკამი ბუნებრივად გაკეთებული, ჩამოვჯექი და ჩემთვის ვლოცულობდი, რაღაცებს ვფიქრობდი, ვლაპარაკობდი ჩემთვის რაღაცებს და უცებ ერთ-ერთ ადამიანზე ძალიან ცუდი, საშინელი ფიქრები წამომივიდა, – ღმერთო, რატომ არ კვდება ეს ადამიანი – მეთქი – მოკვდეს – მეთქი ეს ადამიანი, ყველა დავისვენებთ, ამდენი ცუდისგან და რაღაც აი, ეს ფიქრები, წარმოიდგინეთ, მღვდელს წამოუვიდა ეს საშინელი ფიქრები, რომ ადამიანის სიკვდილზე დავიწყე ფიქრი, ადამიანი მომკვდარიყო. 

უეცრად მესმის, ისევ ჩემივე ხმა მელაპარაკება, მეუბნება, რომ ახლა ეს ადამიანი რომ მოკვდეს, რამდენი ადამიანი დააბრკოლა… ამდენი პრობლემები შექმნა… ეკლესიაში თუ სხვაგან… ამდენი ცილისწამებები… კითხვა დამებადა – სად მოხვდება? – ამ მდგომარეობით უეჭველი ჯოჯოხეთში, სად უნდა მოხვდე ადამიანი?! – როცა ერში, ქვეყანაში ამხელა პრობლემები შეიტანე…. ამდენი ადამიანი დაამძიმე, განკითხვაში ჩააგდე, დაპირისპირების საშუალება მიეცი”, – გაიხსენა მამა შალვა კეკელიამ “ობიექტივის” ეთერში რელიგიურ საკითხებზე საუბრისას.