სოციალურ ქსელში გავრცელდა ვიდეო, რომელიც ატმის შეღებვის ფაქტს ასახავს.
აღნიშნულთან დაკავშირებით, სურსათის ეროვნულმა სააგენტომ სამართალდამცავ ორგანოებს მიმართა.
უწყების ცნობით, იდენტიფიცირებულია პირიც და სავაჭრო ობიექტი, რომელიც ატმის შეღებვის ვიდეოში ფიგურირებს.
„ატმის შეღებვასთან დაკავშირებით სურსათის ეროვნულმა სააგენტომ მყისიერი რეაგირება მოახდინა, აღნიშნული ინფორმაცია წერილობით ეცნობა შესაბამის სამართალდამცავ უწყებას, ამავდროულად სურსათის ეროვნული სააგენტოს უფლებამოსილი პირები ადგილზე ახორციელებენ სახელმწიფო კონტროლს“, – განაცხადა სურსათის უვნებლობის დეპარტამენტის უფროსმა, ვასილ კვერნაძემ.